عبدالستار ایدھی کی طرف سے چترال کے زلزلہ متاثرین کیلئے امدادی پیکیج چترال پہنچ گئی

چترال ( نمائندہ چترال ایکسپریس)پاکستان اور بیرونی دنیا میں معروف سماجی شخصیت عبدالستار ایدھی کی طرف سے چترال کے زلزلہ متاثرین کیلئے بڑے پیمانے پر امدادی پیکیج چترال پہنچ گئی ہے ۔ یہ امدادی اشیاء جن میں خوراک ، کپڑے اور بسترے شامل ہیں ۔ عبدا لستار ایدھی کے فرزند فیصل ایدھی نے ڈی ایچ کیو ہسپتال چترال میں ایم ایس اور ڈاکٹروں کی موجودگی میں متاثرہ زخمیوں میں تقسیم کیں ۔ اس موقع پر زخمیوں نے عبدالستار ایدھی اور اور اُن کے بیٹے کی خد مات کی تعریف کی ۔ اور کہا ۔ کہ مصیبت زدہ لوگوں کی خدمت میں جو کردار اس خاندان نے ادا کیا ہے ۔ اُس کی مثال پاکستان کی تاریخ میں نہیں ملتی ۔ زخمیوں نے عبدالستار ایدھی ، بلقیس ایدھی ، فیصل ایدھی کی درازی عمر کیلئے دعائیں دیں ۔

اس خبر کو پرنٹ میں حاصل کریں