تازہ ترین

سعودی عرب اور ایران کے درمیان تناؤ پر پاکستان کا اظہار تشویش

اسلام آباد: (ویب ڈیسک) پاکستان نے سعودی عرب اور ایران کے درمیان تناؤ پر اظہار تشویش کرتے ہوئے تہران میں سعودی سفارتخانے پر حملہ افسوسناک قرار دیا۔ ترجمان دفتر خارجہ کا کہنا تھا سفارتخانوں اور سفارتی عملے کی حفاظت ریاست کی ذمہ داری ہے۔ شدت پسند قوتیں امت مسلمہ میں نفاق کا فائدہ اٹھا سکتی ہیں۔ دونوں ملکوں کو امت مسلمہ کے مفاد میں تنازعہ پرامن طریقے سے بات چیت کے ذریعے حل کرنا چاہئے۔ دہشت گردی کا چیلنج دونوں ملکوں سے ملکر کام کرنے کا متقاضی ہے۔ ترجمان کے مطابق پاکستان نے پٹھان کوٹ میں دہشت گرد حملے کی شدید مذمت کی ہے ۔ پاکستان نے بھارتی حکومت اور عوام سے دلی تعزیت کا اظہار کیا ۔ پٹھان کوٹ حملے کے حوالے سے پاکستان بھارتی حکومت سے رابطے میں ہے۔ حملے کے حوالے سے بھارتی حکومت کی فراہم کردہ معلومات پر کام کر رہے ہیں۔ دونوں ملکوں کو مذکراتی عمل کی بحالی کے عزم پر کاربند رہنا چاہئے۔

Advertisements

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ

اترك تعليقاً

زر الذهاب إلى الأعلى