یو ایس اوپن: سرینا ولیمز نے وینس ولیمز کو ہرا دیا ، سیمی فائنل تک رسائی

نیویارک (دنیا نیوز) یو ایس اوپن ٹینس ٹورنامنٹ میں کھیلے گئے خواتین کوارٹر فائنل میں امریکا کی عالمی نمبر ایک سرینا ولیمز نے اپنی بہن وینس ولیمز کو ہرا دیا ۔

جبکہ مردوں کے کوارٹر فائنل میں میزبان ملک کے ہی میرین سیلک سیمی فائنل میں پہنچ گئے ۔

عالمی نمبر ایک ٹینس کوئین نے اپنے تجربے کا فائدہ اٹھاتے ہوئے حریف کھلاڑی کوچھ دو ، ایک چھ اور چھ تین سے ہرا کر سیمی فائنل کیلئے کوالیفائی کیا ۔

یو ایس اوپن کے کواٹر فائنل میں ٹاپ سیڈ نواک جوکووچ اور اسپین کے فیلسیانو لوپز مدمقابل ہوئے۔ دو سیٹ کے بعد مقابلہ ایک ایک سے برابر تھا
نواک جوکوچ نے میچ چھ ایک، تین چھ، چھ تین اور سات چھ سے جیت کر ایونٹ کے سیمی فائنل میں جگہ بنائی۔ دفاعی چیمپئن کروشیا کے مارن سلک نے بھی سیمی فائنل کا ٹکٹ کٹوا لیا۔ کواٹر فائنل میں نمبر نو سیڈ نے فرانس کے جو ولفریڈ سونگا کو سنسنی خیز مقابلے کے بعد پانچ سیٹ میں مات دی۔