تحریک انصاف کے انٹرا پارٹی انتخابات، انتخابی ضابطہ اخلاق جاری

اسلام آباد: ( تازہ ترین) پی ٹی آئی کے انتخابات کیلئے ضابطہ اخلاق کا اعلان ۔ کپتان کسی امیدوار کی حمایت نہیں کر سکیں گے۔ الیکشن ریلی ، اشتہار اور آتش بازی پر پابندی ۔ امیدواروں کو سوشل میڈیا ، انفرادی ملاقاتوں اور پمفلٹس کے ذریعے انتخابی مہم چلانے کی اجازت ہو گی ۔ تحریک انصاف کے کارکنوں کا انٹرا پارٹی الیکشنز کے لئے ضابطہ اخلاق کا خیرمقدم ۔ کہتے ہیں اس پر عمل درآمد کیا جائے ۔ ضابطہ اخلاق میں کہا گیا ہے کہ امیدوار ووٹروں کو دعوتیں نہیں کھلا سکیں گے ۔ لالچ یا دھونس سے ووٹ خریدنے والے امیدوار الیکشن سے باہر کر دیئے جائیں گے ۔