پولیس ٹورسسٹ فسلٹیشین سنٹر لواری ٹنل میں مارخور کا مجسمہ نصب

چترال(نمائندہ چترال ایکسپریس ) لوئر چترال پولیس ٹورسٹ فسلٹیشین سنٹر لواری ٹنل میں پاکستان کے قومی جانور مار خور کا مجسمہ نصب کیا گیا ۔

جس کو لوئر چترال سے تعلق رکھنے والے ایک طالب علم نے اپنے ہاتھوں سے بنایا ہے۔

لوئر چترال پولیس کی طرف سے ایس۔ایچ۔او تھانہ عشریت قربان پناہ نے اس خوبصورت مجسمے کو بنانے والے نوجوان کی حوصلہ افزائی کے لئے نوجوان کونقد کیش انعام سے نوازا۔

پاکستان کا قومی جانور مارخور کا مجسمہ بنانے والے ہنرمند فضل واحد ایک پرائیویٹ سکول کا طالب علم ہے جس نے بھرپور محنت اور لگن سے اس مجسمے کو بنایا ہے اس کا کہنا ہے کہ میں نے اپنے ملک اور علاقے سے محبت کے اظہار کے طور یہ مجسمہ بنایا ہے۔مارخور میرے پیارے ملک پاکستان کا قومی جانور ہے اور یہ جانور چترال میں ہزاروں کی تعداد میں پائے جاتے ہیں۔

 چترال پولیس لوئر کی طرف سے جاری ایک میں پیغام میں کہا گیا ہے کہ چترال ایک جنت نظیر وادی ہے اپنے خوبصورت نظاروں کے ساتھ ساتھ قدیم تہذیب ,منفرد ثقافت ,امن پسند اور مہمان نواز لوگوں کی سرزمین ہے آئیں ان حسین نظاروں کی سیر کریں اور چترال کے باسیوں کو اپنی مہمان نوازی کا موقع دیں۔

اس خبر کو پرنٹ میں حاصل کریں