جی جی ایچ ایس سکول شیاقوٹیک چترال میں چوری میں ملوث ملزمان کی عدم گرفتاری پرڈی۔پی۔او کی برہمی کا اظہار

چترال(چترال ایکسپریس)تھانہ سٹی چترال میں گورنمنٹ گرلز ہائر سیکنڈری سکول شیاقوٹیک چترال کے کمپیوٹر لیب سے کمپیوٹرز اور اسکرین چوری ہونے کی رپورٹ درج ہوئی تھی اور اس کیس میں ملوث ملزمان گرفتار نہ ہونے کا سختی سے نوٹس لیتے ہوئے ڈی۔پی۔او لوئر چترال اکرام اللہ خان نے بذات خود تفتیشی ٹیم کو اپنے ہمراہ لیکر وردات کی جگہ کا معائنہ کیا ۔اس موقع پر سکول کے پرنسپل محترمہ آصفہ کنول صاحبہ بھی موجود تھی ۔

ڈی۔پی۔او لوئر چترال نے ملزمان کی عدم گرفتاری پر سخت برہمی کا اظہار کرتے ہوئے کہا کہ تفتیش کے عمل  کوجدید سائنسی طریقہ کار کو بروئے کار لاکر جلد از جلد ملزمان کو گرفتار کیا جائے اور اس سلسلے میں کسی بھی قسم کی کوتاہی یا سستی برداشت نہیں کی جائے گی۔

اس خبر کو پرنٹ میں حاصل کریں