اپرچترال مستوج میں لیویز فورس کی جوانوں کی پاسنگ آؤٹ تقریب
اپر چترال (ذاکر محمد زخمی)لیویز فورس اپر چترال کے جوانوں کی پاسنگ آؤٹ تقریب کا انعقاد ونگ ہیڈکوارٹر مستوج 
میں ہوا۔
پاسنگ آؤٹ تقریب میں کمانڈنٹ چترال ٹاسک فورس کرنل بلال جاوید، لیفٹننٹ کرنل نور الہی ونگ کمانڈر 144 ونگ مستوج، فدالکریم ایڈیشنل ڈپٹی کمشنر جنرل اپر چترال، 
شاہ عدنان اسسٹنٹ کمشنر/ڈپٹی کمانڈنٹ چترال لیویز اپر چترال، ربنواز خان ایڈیشنل اسسٹنٹ کمشنر موڑکہو/تورکہو، سب ڈویژنل پولیس افیسر مستوج محی الدین،چیرمین تحصیل کونسل مستوج سردار حکیم، چترال سکاؤٹس کے آفسران، صوبیدار چترال لیویز فورس اپر چترال اور مختلف سیاسی و سماجی شخصیات نے شرکت کی۔پاسنگ آؤٹ پریڈ کے دوران ٹریننگ سے فارغ ہونے والے چترال لیویز فورس کے جوانوں 
نے اپنی بھرپور کارکردگی کا مظاہرہ کیااور سول و عسکری افسراں کو سلامی پیش کئے۔
تقریب سے کمانڈنٹ چترال ٹاسک فورس کرنل بلال جاوید نے اپنے خطاب میں لیویز فورس کے جوانوں کو اپنے پیشہ ورانہ صلاحیتوں کو اجاگر کرنے پر زور دیا۔ اپ نے دوران ٹریننگ جوانوں کے کردار، نظم وضبط اور سیکھنے کے عمل میں دلچسپی پر ان کے کردار کو سراہا ۔
تقریب سے ایڈیشنل ڈپٹی کمشنر جنرل اپر نے بھی خطاب کیا اور لیویز فورس کے جوانوں کو ان کے پیشہ ورانہ ٹریننگ کے اختیتام پر مبارک باد پیش کی ۔ ایڈیشنل ڈپٹی کمشنر جنرل نے اپنے پیغام میں کہا کہ لیویز فورس چاہئے مختلف ایونٹس منعقد کروانا ہو، NID مہم ہو، سیکورٹی ڈیوٹی ہو اور امدادی سرگرمیاں ہو ضلعی انتظامیہ اور دیگر محکمہ جات کے ساتھ ہمیشہ شانہ بشانہ ہوکر اپنے زمہ دریاں احسن طریقے سے سر انجام دیتے ہیں۔ اپ نے جوانوں کو اپنے زمہ داریاں نظم و ضبط کے ساتھ نبھانےاور فورس کے مجوزہ قوانین کے اندر رہتے ہوئے 
اپنے پیشہ ورانہ زندگی گزارنے پر زور دیا۔
ایڈیشنل ڈپٹی کمشنر نے ونگ کمانڈر 144 ونگ مستوج کا بالخصوص اور دیگر افسراں کا بالعموم شکریہ ادا کیا کہ انہوں نے لیویز فورس کے جوانوں کو ان کے ٹریننگ کے دوران بہترین سپورٹ مہیا کیا اور ٹریننگ کے ہر شعبے پر ان کی بہترین رہنمائی کی۔ پاسنگ آؤٹ کی تقریب انتہائی پر رونق انداز میں اپنے اختتام کو پہنچا۔
